Bawlhhlawh paihtute an mangang

Aizawl khawpuia bawlhhlawh paih ṭhintu lirthei neitute chu hun eng emaw chen bill an lâk tawh loh avangin an mangang a, bawlhhlawh paih zawm theih loh mai an hlau.

Bawlhhlawh paih lirthei neitute aṭanga thu dawn danin, bawlhhlawh an paih man chu October 2023 aṭangin an dawng tawh lo a, diesel leina leh driver hlawh pek reng an ngai thung. Anmahni chhawrtu Aizawl Municipal Corporation (AMC) hotute an dawr tawh ṭhin a, Treasury lamin sum an pek chhuah theih loh thuin an lo chháng ṭhin a ni.

Lirthei neitute sawi danin, Aizawl khawpuia bawlhhlawhte chu lirthei 100 chuang hmanga paih ṭhin a ni a, an paih man chu AMC-in 60% a tum a, local council-te'n 40% an tum thung.