Transport petrol pump hawng

Transport minister Vanlalhlana chuan nimin khan Transport department Complex, Chaltlangah Transport Department Retail Outlet (petrol pump) a hawng.

Vanlalhlana chuan, petrol pump thar chu mipui rawngbawlnaa sorkar inpekna tilangtu a nih a beisei thu a sawi a; Mizoramah petrol pump 55 vel a awm mek thu sawiin, "Transport Department Retail Outlet hi sorkar enkawl mah ni se, private enkawl petrol pump anga ṭha taka kalpui tum ang che u," a ti a, thawktute chu mipui tana dawr nuam leh biak nuam, tunlai thiamna mila inher rem thiam ni turin a fuih.