MLA-in Lawngtlaia sorkar hotute a kâwm

Lawngtlai East bialtu MLA Dr Lorrain Lalpekliana Chinzah, Adviser to Chief Minister chuan nimin khan Lawngtlai DC conference hall-ah Lawngtlai district-a sorkar hotute a kâwm a; Lawngtlai district chu ṭhuang hniha sorkar anga inrêlbàwlna a awm avangin ṭanrualna ṭha hnuaiah hmasawnna hna kalpui a pawimawh thu a sawi.

Dr Lorrain Lalpekliana chuan, "Mipui hriselna, zirna leh agriculture tih­hmasawnna tura hmalak ngaih pawimawh zual a ni ang. Sorkar langtlang siamnaah te, eirûkna leh hlemhlêtna donaahte inthawhpui a pawimawh dawn a ni," a ti.

Lorrain Lalpekliana chuan, sâwt zawk leh awmze nei zawka hmasawnna kalpui a nih theih nan sorkar office hrang hranga hotute chu finchhuaha thuràwn pe ṭhin tur te, office inrêlbâwlnaa harsatna awmte a hnena thlen ṭhin tur tye, hmachhawp awm mekte leh office hrang hranga thawktute dinhmun chu DC office kaltlangin ziakin a hnena thehlut turin a chah bawk.

Ṭhutkhawm hi Lawngtlai additional DC Abraham Beirazi Khithie-in a kaihruai a, Lawngtlai district-a sorkar pisa hrang hrang hotute leh thuthar thehdarhtute an tel a ni.