Police station ṭha palina atan Champhai Police Station thlang

Champhai Police Station chu Union Home Ministry in Annual Ranking of Police Stations for 2023 a tihchhuahah India rama police station ṭha ber palinaah thlan niin, certificate of excellence hlan a ni.

Police station ṭha award hi All India Conference of Director Generals/Inspector Generals of Police, January 5-7, 2024 chhunga Rajasthan International Centre, Jaipur-a neihah puan a ni.

Mizoram Police tan leh a bikin Champhai Police tan he chawimawina hi chhuan­awm leh hriat reng tlak a nih thu tarlangin DGP chuan, "Mizoram Police-a thawk zawng zawngte chuan Champhai Police leh a bikin Champhai PS staff-te kan chhuangin kan lawmpui tak zet a ni," a ti.

India ram puma police station ṭha thlanna (ranking) hi kum tin Ministry of Home Affairs chuan a buatsaih ṭhin. Tehna hrang hrang, crime rate, investigation leh disposal of cases, infrastructure leh adangte aṭanga teh hnuah ranking hi siam a ni.