Draft electoral roll tlangzarh a ni

Kumina Lok Sabha inthlanpui awm tura hman tur Mizoram electoral roll siamna atan district hrang hranga bawrhsapte chuan January 6, Inrinni khan draft electoral roll an tlangzarh. Draft roll-ah hian voter 8,52,500 an awm a, mipa 4,13,473 leh hmeichhe vote nei 4,39,030 an ni.

Mizoram electoral roll ennawnnaah hian January 22, 2024 thleng thun luh dilna leh tihdanglam dilna hun hawn a ni a, January 1, 2024 leh a hma lama kum 18 tlingte thun luh theih a ni. Final electoral roll chu February 8, 2024-ah tlangzarh a ni ang.

Mizoram draft electoral roll-a a lan danin, Mamit district tih loh district dang 10-ah mipa aiin hmeichhia an tam zawk a; Mamit district-ah hmeichhia aiin mipa 643-in an tam zawk a ni.