Aizawla leiverh siamna tur cheng vbc. 1,313.28 pek a ni

Sorkar laipuia Road Transport & Highways minister Nitin Gadkari chuan tun hnai khan Aizawl khawpuia lirthei tâwt tihziawmna tura leiverh kawng, Twin Tube Uni-directional Aizawl Bypass Tunnel siamna tur sum vbc. 1,313.28 pek (sanction) a nih thu chief minister Lalduhoma a rawn hriattir.

Sorkar thuchhuah tarlan danin, sum hmanna tur chu National Highway no. 6 (Sairang leh Phaibawk inkar)-a km. 2.5-a thui lei verhna tur leh a luhna (approach road) km. 2.1-a thui siamna tur a ni a; a vaiin km. 4.60-a thui thawhna tur niin, package-2 huam chhunga mi a ni.

Aizawl By-pass Road chuan Aizawl khawpui paltlanga lirthei kal tam takte a titlem dawn a, khawpui chhunga lirthei tam lutuk nasa takin a tihziaawm beisei a ni. Leiverh hian Sairang leh Phaibawk inkar kawngpui chu km. 22-in a titawi dawn a ni.