Delhi leh Kolkata-a Mizote'n CM an lawmpui

Chief minister Lalduhoma chu Delhi Mizo Welfare leh Delhi Mizo Zirlai Pawl ten January 4, 2023 khan Delhi Mizoram House-ah lawmpuina an hlan a; January 5 khan Calcutta Mizo Welfare Association leh Kolkata-a pawl dangte'n Kolkata Mizoram House-ah lawmpuina an hlân bawk.

Delhi-ah hian zanriah an kilho a, Lalduhoma chuan, "Hmun hrang hranga Mizoram House-te hi Mizo mipui tan ṭangkai taka hman a ni zel dawn," a ti a; phai lama Mizo awmte chu ram tana mahni zawna theihtawp chhuaha thawhhopuiah a sáwm.

Kolkata-a inkawmhonaah Calcutta Mizo Welfare Association hruaitute chuan, damlo awmna/thlenna an indaih loh ṭhin thu an lo thlen a; damlo tan leh Mizote inhmuhkhawmna tur in sak ni se an duh thu leh damlote medical reimbursement bill-a harsatna an tawh chungchangte an lo thlen bakah, zanriah an kilho bawk.