Dan loa thil tawlhrûk nasa lutuk thla khat chhungin tihrêm tum

Home minister K Sapdanga chuan, Mizorama dan loa sumdawnna leh thil tawlh­rûk nasa lutuk chu thla khat chhunga tihrêm an tum thu a sawi.

Nimina ZPM pisaa inkhawmah thu sawiin K Sapdanga chuan, "Mizorama dan bawhchhiatna chi rêng rêng tihrêm tumin Home department aṭangin ṭan lak kan tum dawn a, Mizorama smuggling nasa lutuk hi thla khat chhung ngeia tihrêm kan tum bawk," a ti.

Home Minister chuan, "Check gate hrang hranga dan bawhchhiatna tam lutuk, civil mite ai maha thawktute dan bawhchhiatna tam lutuk hi theihtawpin tihrêm kan tum dawn. Páwn lam ai mahin a chhung lam chinfel ngai a tam a, chutiang tur chuan thawktute an inhuam," a ti a; mipui leh tlawmngai pawl leh kohhrante thawhhopuiah a sáwm.

Entitlement chung­­changah K Sapdanga chuan, "Home department-in department dang entawn tur siam kan tum. Theihtawpa dik taka kan thawh theih nan mipuite’n min lo thlah fál lawk teh u, tiin ka ngen che u a ni," a ti.