Mizoram hmasawn nan theihtawp kan chhuah zel dawn - BJP President

BJP, Mizoram Pradesh chuan nimin khan Aizawla an pisa kum 2024 atan an hawng a; hawnna inkhawma thu sawitu Mizoram BJP president Vanlalhmuaka chuan, Mizoramin kawng hrang hranga hma a sawn theih nan theihtawp an chhuah zel dawn thu a sawi.

Vanlalhmuaka chuan, "BJP chuan Mizorama sorkarna siam tura nasa taka kan beihna tunah a takin la thleng lo mah se, Mizoramin kawng hrang hranga hma kan sawn theihna turin theihtawp kan chhuah zel dawn a ni," a ti. BJP Mizoram chu an din chhanah an chian thu sawiin, Mizo mipui tana hnathawk tura ding kan ni a, mi dangte tana malsawmna thlen tura ding leh awm kan ni," a ti.

BJP chuan sorkar siamṭha zawngin eptu party mawhphurhna an la dawn tih sawiin Vanlalhmuaka chuan, "MNF party kan beihna kha vawiin thleng hian a dik lohna sawi thei kan awm miah lo ang. BJP hi Mizoram tana ding kan nih angin Mizoram ṭhatna tura thawk tur kan ni a, ZPM sorkar pawh keini BJP chuan kan bei dawn lo a, Mizoram tana an hnathawhah constructive opposition role play-in hma kan la leh dawn a ni," a ti a; an hmalakna chu ZPM sorkarin an kalpui thiam chuan Mizoram tan malsawmna a nih dawn thu a sawi.