Mizoram BJP President-in inthlan hun sawn turin SEC a ngen

BJP Mizoram Pradesh president Vanlalhmuaka chuan nimin khan State Election Commissioner (SEC)-ah lehkha thawnin, village council (VC) leh local council (LC) inthlan hun, August 27, 2020 chu sawn turin a ngen.

Vanlalhmuaka chuan, VC leh LC inthlan vangin Covid-19 community spread a thlen theih thu a tarlang a, "Tunah hian Mizoramah Covid-19 a darh mek a, hei vang hian state sorkar pawhin ni li chhung total lockdown a puang a ni. Political party dangte pawhin kan tunlai boruak vang tho hian inthlan hi sawn an duh. Inthlan hi community spread thlen theihna chance sang tak a nih avangin, a hun sawn rih mai turin ka ngen a che," a ti.

Mizoram BJP thu­chhuah tarlan a nih danin, inthlan hun sawn anih theihna turin Governor hnenah pawh ngenpui tura sawmna an thlen tawh. Inthlan hlawhtling leh mi tam zawkin vote an thlak theihnan leh inthlan felfai a awm theih nan inthlan hun hi sawn ngei ṭha an ti a ni.