CYMA-in Home Minister lawmpuina an hlân

YMA Central Executive Committee chu January 8, Thawhṭanni zan khan Central YMA Committee Room-ah an ṭhukhawm a; Central YMA office bearer hlui K Sapdanga, Home minister hnenah lawmpuina thilpêk an hlân.

Ṭhutkhawm hi CYMA president Lalhmachhuana'n a kaihruai a; CYMA hruaitute chu ram leh hnam tana theihtawp chhuah thar tur leh, Mizoram chu Mizote in pui a nih ang a, ram hrang hranga Mizote tana belh tlak a nih zel theih nan ram leh hnam tana theihtawp chhuah zel turin a sáwm.

Home minister K Sapdanga pawhin thu sawiin, YMA chu a hun tam tak a hmanna a nih thu leh thinlung taka a la ngainat thu a sawi a; sorkara department a enkawlte leh YMA hnathawhte chu a inhne rem hle tih sawiin, ram tana thawhpuiah YMA hruaitute a sáwm. Ram hmasawnna atan sorkarin hma a laknaah CYMA nen inpawh taka inràwn tlàna thawhho zel a beisei thu a sawi bawk.

K Sapdanga hi kum 1987 aṭanga 1991 thleng CYMA assistant secretary a ni a, CEC ṭhutkhawmah hian ei leh in a tumsak. CYMA pawhin lawmpuina atan khiangkâwi ipte an hlàn a ni.