CM leh Presbyterian Church of USA-te'n ruihhlo ngai enkawl dan tur an sawiho

Chief minister Lalduhoma leh Presbyterian Church of USA aiawhte chuan nimin khan CM Office-ah Mizorama ruihhlo ngaite enkawlnaa thawhho dan tur an sawiho. CM hi Social Welfare & Tribal Affairs minister Lalrinpuii leh Excise & Narcotics minister Lalnghinglova Hmar ten an ṭawiawm.

Presbyterian Church of USA aiawhte chuan tun hnaia Aizawl leh a chhehvela ruihhlo vanga harsatna nei an hmuhte leh ruihhlo ngai enkawlna an tlawhte leh an zirchianna aṭanga an thil hmuh dante an sawi a; hmalakna awm thei tur nia an ngaihte an sawi nghal.

USA lama an kohhran leh mi inphal, sum leh pai thawh thei dap lamah harsatna an neih loh tur thu an sawi rualin, vawi leh khata hmalakna lian tak kalpui nghal erawh a harsat theih thu an sawi bawk.

CM Lalduhoma chuan, hma an lak theih dan turah ruahmanna mumal nei thuai turin USA Presbyterian kohhran aiawhte a ngen a; an ruahmanna mil chuan hmalak dan tur sawi zui leh ṭha a tih thu a sawi.

Presbyterian Church of USA aiawh hian Rev. Vanlalrosanga Ralte leh a thawhpuite an rawn kal a ni.