MRB branch thar hawn a ni

Mizoram Rural Bank (MRB), Armed Veng Branch chu nimin khan MRB chairman Sheryl Vanchawng-in a hawng a, MRB branch 104-na a ni.

Sheryl Vanchhawng chuan, branch 104 nei tura thawktute inpekna leh mipui duhsaknaah a lawm thu sawiin, "Mizorama bank-te zinga inzár pharh zau ber kan ni a, branch awm theih lohnaah pawh customer service point 310 kan nei," a ti.

Armed Veng Local Council chairman K Lalfakzuala pawhin thu sawiin, "Kan venga MRB branch hawn a ni ta hi kan lawm tak zet," a ti a, veng chhung bakah an veng ṭhenawmte'n ṭangkai taka an hman tur thu a sawi.