Minister leh CADC hotute inkâwm

District Council & Minority Affairs minister C Lalsawivunga chu nimin khan a pisaah Chakma Autonomous District Council (MADC) hotute nen an inkâwm.

C Lalsawivunga chuan, sorkar scheme hrang hrangte chu Mizoram intodelhna atan ṭangkai taka hman tum a nih thu sawiin, "Mipui sorkar a nih angin Chief Minister kaihhruaina hnuaiah ministry policy tihlawhtling turin theihtawp chhuah ka tum," a ti a; Art & Culture minister a nih angin kûtahte Chakma te nen cultural exchange neih ṭha a tih thu a sawi.

Inkawmnaah hian CADC chief executive member ni lai Rasik Mohan Chakma, MLA bakah, executive member leh CADC official ṭhenkhatte an tel a; Minister hnenah hian an harsatna te, hmasawnna tura rawtna leh an district tan central scheme hman ve an duh thute an thlen a ni.