Hmeichhe ruang chhar

Nimin chawhma dar 10 vel khan, New Secretariat Complex-a ACB office chhak ram âwl laiah hmeichhe ruang chhar a ni a, Lalchhandami (26), Chawnpui, Aizawl tih hriat chhuah a ni.

Police aṭanga thu dawn danin, Lalchhandami ruang hi Fisheries department-a thawk pisa kái turten an hmu a, police an hriattir nghal. Police leh Forensic lama mithiamte'n ruang hi an endik a, tih tur ṭulte an tih hnuah Aizawl Civil Hospital-ah laka endik a ni a, chumi hnuah an chenna inah lak a ni.

Lalchhandami taksaah hian chemtea vihna hnuhma eng emaw zat a awm a, he thil thlen dan hi police-te'n an chhui zui mek a ni.