Lungawi lohna lantir tum ṭhulh

Commercial Vehicle Joint Action Committee (CVJAC) chuan thuchhuah siamin, April 4, 2016 aṭanga MIzoram puma tiam chin awm loa lungawi lohna lantir an tum chu chief minister Lal Thanhawla nen an inkawm hnuah an ṭhulh rih tih an puang.

CVJAC chuan, nimin khan Assembly Sec­retariat-a CM Recess Room-ah CM Lal Than­hawla'n a ruahman angin an inkâwm tih an sawi a, "Tunlaia a kan harsatna tawh leh buainate lehkhaa thehluh a nih bakah sawiho nghal a ni. CM chuan kan harsatna tawhte chu thil chinfel harsa a nih loh thu leh, amah ngei pawhin lifetime tax kum 15 chhung a ni chu a duh loh thu a sawi a, en ṭhat a nih tur thu min lo hrilh a ni," an ti.

CVJAC tarlan danin, CM hian a zin dawn avangin April 12, 2016 hnua inkawm leh a rawt a; CM rawtna chu CVJAC chuan remtiin, April 4 aṭanga lungawi lohna lantir an tum pawh an ṭhulh rih a ni.

An inkawmho leh hma chuan document (road tax) thi tur leh chhiah pek ngai pek loh vanga late fee, fine leh penalty-te chawi ngai lo turin CM hian Transport Secretary a hriattir nghal a ni.