Mizoramin PYKKA hnuaiah nuai 1,127 a hmu
Mizoram sorkar chuan sta-dium sak nan sorkar laipui aṭangin Panchayat Yuva Krida aur Khel Abhiyan (PYKKA) hnuaiah kum ruk chhung, 2008-09 aṭanga 2013-14 inkarah cheng nuai 1127 a hmu. Hetih lai hian, RGKA hnuaiah kum hnih chhungin infiamna lama hmeichhiate inelna buatsaih nan cheng nuai 24 a hmu tawh bawk.
Parliament session-a tun hnaia minister of state (inde-pendent charge) for Youth Affairs & Sports Sarbananda Sonowal-a'n zawhna a chhan-naah, state chhunga infiamna chungchang chu state sorkar thuneihna a ni a, infiamna hmunhma siam pawh state thuneihna a nih thu a sawi a; chutih rualin, sorkar laipuiin a ṭul angin a ṭanpui a, PYKKA leh RGKA hnuaiah ṭanpuina sum tam tak a pek thu a sawi.
Sarbananda Sonowal-a sawi danin, sorkar laipuia Ministry of Youth Affairs & Sports chuan stadium sak nan scheme a nei lo ngai a; mahse, tun hnaiah thingtlang mite tihhmasawn nan PYKKA scheme siam a ni a, kum ruk chhung (2008-09 aṭanga 2013-14 thleng) kalpui a ni.
PYKKA hnuaiah hian kum ruk chhungin Mizoramin cheng nuai 1,127 a hmu a; kum tina a hmuh dan chu - kum 2008-09 ah cheng nuai 85, kum 2009-10 ah nuai 21, kum 2010-11 ah nuai 227, kum 2011-12 ah nuai 207, kum 2012-14 ah nuai 207 leh kum 2013-14 ah nuai 410 a ni.
Union minister Sarbananda Sonowal chuan session-a zawhna ziaka a chhannaah, PYKKA titawpin, kum 2014-15 ah RGKA a kalpui ṭan a nih thu a tarlang a; RGKA hnuaiah hian hmeichhiate infiamna lama an inelna tur buatsaih nan Mizoram hnenah kum 2014-15 ah cheng nuai 18 leh kum 2015-16 (February 29, 2016 thlengin)-ah cheng nuai 6, a vaiin cheng nuai 24 pek tawh a nih thu a tarlang.
Sarbananda Sonowal-a tarlan danin, RGKA hnuaiah hian RD block hrang hranga sports complex siamna tur te, infiamna bungrua leina tur te, block, district, state leh national level-a thingtlang mite tan inelna buatsaihna tur te, hmeichhe tan bika inelna buatsaihna turte pek theih a ni.
PYKKA hnuaia Mizoram sum hmuh dan
(Rs. in lakh)
# State 2008-09 2009-10 2010-11 2011-12 2012-13 2013-14
1. Andhra Pradesh 1299 1299 2598 2598 1063 727
2. Arunachal Pradesh 0 444 1051 0 0 0
3. Assam 0 385 0 0 1028 0
4. Bihar 522 502 0 0 0 0
5. Chhattisgarh 0 506 0 0 2527 0
6. Goa 0 18 0 0 18 0
7. Gujarat 0 71 255 1343 0 0
8. Haryana 326 325 1443 509 0 334
9. Himachal Pradesh 201 201 88 366 634 299
10. Jammu & Kashmir 266 21 0 056 0 0
11. Jharkhand 0 239 0 24 0 0
12. Karnataka 0 312 1486 0 961 102
13. Kerala 8 8 1117 0 1036 0
14. Madhya Pradesh 1182 0 0 3999 0 3255
15. Maharashtra 891 486 4194 0 0 0
16. Manipur 87 0 0 22 0 0
17. Meghalaya 0 106 119 172 0 44
18. Mizoram 85 21 227 207 207 41
19. Nagaland 118 3 296 470 0 600
20. Odisha 367 805 598 734 1921 753
21. Punjab 627 627 2666 0 0 0
22. Rajasthan 371 472 0 275 0 0
23 Sikkim 54 13 202 166 251 79
24. Tamilnadu 5 191 0 0 0 658
25. Tripura 109 0 324 409 0 43
26. Uttar Pradesh 10 1696 6227 1839 903 492
27. Uttrakhand 300 590 1943 0 338 2284
28. West Bengal 0 232 232 0 0 0
# UT 2008-09 2009-10 2010-11 2011-12 2012-13 2013-14
29. A&N Islands 0 0 106 0 0 0
30. Chandigarh 0 0 0 0 0 0
31. Daman & Diu 0 0 0 0 14 0
32. Lakshadweep 0 0 51 0 0 0
33. Puducherry 0 0 69 0 0 0
TOTAL 8385 10500 26084 13405 10901 11385