Year of Consolidation hlawhtlingah ngai

Finance minister Lalsawta chuan MNF member Lalruatkima zawhna ziaka chhangin, sorkarin 'Year of Con-solidation' a puan chu a hlawhtlin thu a tarlang.

Lalsawta tarlan danin, Year of Consolidation-in a tum ber chu, sorkar sum renchem leh hlâwk thei ang bera a ṭulna ber chauha sum hman te, leiba pung chak lutuk tur awmze neia vên te, sorkarin payment a pek tur a rang thei ang bera pekte a ni.

Year of Consolidation thil tum tihlawhtling turin hmalak mek zel a ni tih sawiin, Finance Minister chuan, "Heng thil kan tihte hi Fiscal Responsibility and Budget Managment Act ruahmanna zûlzui deuh vek a ni. Year of Consolidation hi a hlawh-tling hle a, tunah chuan kan state sym dinhmun pawhin ziaawm lam a pan mek a ni," a ti.