Minister leh MNF MLA-te che chhuak lawmawm an ti
ZPM Ṭhalai chuan nimin khan thuchhuah siamin, MNF kaihhruai sorkara minister-te leh MNF MLA-te'n hmun hrang hranga ramri vengtute an tlawh chhuak mek chu lawmawm an tih thu an tarlang.
ZPM ṭhalaite chuan, "Kan lo nghahhlelh tak, Mizoram sorkara minister-te leh MNF MLA-te'n Covid-19 vanga ramria duty-na hmun hrang hrang tlawh chhuah rûnpui an nei ta hi lawmawm kan ti tak zet a ni," an ti a; thla hnih chuang inkhârkhip chhungin khua leh veng hrang hranga task force-te'n hripui laka mipui an him theih nan theihtawp an chhuah te, kohhran leh pawl hrang hrangin nasa taka thâ leh sum an sêngte chu lawmawm an tih thu an sawi.
Minister-te leh MNF MLA-te zin chhuak chuan rah ṭha a chhuah ngei an beisei thu sawiin ZPM Ṭhalai chuan, "Riahbûk leh ei leh in thuah te, duty-te mamawh hrang hrang leh invênna hmanrua chungchangahte pawh hmasawnna a awm phah ngei kan ring. Ramria duty-te leh anmahni tlawha zin chhuakte himna atan ZPM ṭhalai chuan duhsakna kan hlân a ni," an ti.