Robotic Competition-ah tel dawn

North East Zonal Level Robotic Competition vawi khatna, Regional Science Centre (RSC), Guwahati-a January 20-21, 2020 chhunga neih turah Mizoram aṭangin R Lallawmsanga leh Vanlalhruaia, St. Pauls HSS ve ve leh Eunik Ruatfeli leh Lalrinkima, Greenland HS ve vete an tel dawn a, anmahni hruaitu R Malsawmtluanga hoin nimin khan Guwahati an pan.

Robotic Competition-ah hian naupangte hi educational robot Lego EV3 Mindstorm remkhawm leh robotic programming-ah an tel dawn a; a tiṭhate chu national level competition-ah India hmarchhak bial aiawha tirh an ni ang.

Competition aṭang hian khawvel puma inelna sang ber, World Robot Olympiad, August-November vela awm tura ram aiawh turte thlan a ni leh dawn a, Mizoram aiawh turte pawh Innovation Hub, Mizoram Science Centre-a mentor-te’n sang tak thleng turin uluk takin an zirtir a ni.