Mi 2,400 vel haw mek

Covid-19 inkhàrkhip vanga India ram chhunga Mizo tangkhangte an rawn haw mek zel a; Delhi, Goa leh West Bengal aṭanga rawn haw tur mi 2,400 velte chuan May 27, Ningani tlai/zan khan an hmun ṭheuh chhuahsanin Mizoram an rawn pan mek. 

Thu dawn danin, Delhi aṭanga a thawh khatnaa haw tura inhriattir zat chu mi 1,502 a ni a, special train hmangin Ningani zan kan Delhi an chhuahsan. 

Goa aṭangin rel hmang bawkin mi 737 an rawn haw mek a, anni hi Nagaland mi 435, Meghalaya mi 99 leh Tripura mi 22-te nen an rawn haw ho. Kolkata 

aṭanga rawn haw mi 170 velte erawh chu bus pali leh lirthei tê pali hmangin an rawn haw thung.