MZP-in Bangladesh aṭanga ráltlân ṭanpui

Mizo Zirlai Pawl (MZP) General Headquarters hruaitute chuan January 9, Thawhlehni khan Parva-III, Chamdûr-P leh Vaṭhuampui khuaa Bangladesh aṭanga Zo hnahthlak ráltlân awmte an tlawh kual a, an mamawhte an enfiah bakah, ṭanpuina eng emaw zat an pe.

MZP hian Parva III-a ráltlânte chu blanket 30 leh Rs 2,000 an pe a, Chamdur-P khuaa awmte chu Rs 5,000 leh Vaṭhuampuia awmte chu blanket 30 leh Rs 2,000 an pe. MZP president H Lalthianghlima chuan, raltlante chu thlamuang taka awm tura hrilhin, khawtlang leh kohhranahte inhmang tur leh theihtawp chhuaha intodelh tum turin a chah.

MZP tarlan danin, Vaṭhuampuiah Bangladesh ráltlân chhungkaw 76 awmin, mi 350 an ni a; Parva III-ah ráltlân chhungkaw 41-ah mi 198 an awm a; Chamdur P-ah ráltlân chhungkaw 22 awmin, mi 127 an ni.