Samagra budget & plan pawm a ni

Chief secretary Dr Renu Sharma kaihhruaiin nimin khan CS conference hall-ah Samagra Shiksha Executive Committee an ṭhukhawm a; Samagra Shiksha Annual Work Plan & Budget leh PM SHRI scheme 2024-25 & 2025-26 te sorkar laipuia thehluh turin an pawm.

Ṭhutkhawmah hian Annual Work Plan & Budget 2024-25 atana ruahman cheng nuai 41,440.15 leh kum 2025-26 budget ruahman cheng nuai 34,979.70 an pawm a; PM SHRI kalpui nan kum 2024-25 atan cheng nuai 1,161.74 leh kum 2025-26 atan cheng nuai 508.50 an pawm bawk.

Samagra Shiksha hnathawhna tur sum ruahmante chu January 17, 2024-ah sorkar laipuiah thehluh a ni ang a, February 8-9, 2024-ah Project Approval Board-in a ngaihtuah dawn a ni.

Ṭhutkhawmah hian School Education secretary Dr Lalzirmawia Chhangte leh Samagra Shiksha state project officer Lalhmachhuana bakah, School Education department, MBSE, SCERT leh a kaihhnawih department dang hotute an tel a; YMA, MUP, MHIP leh service association aiawhte an tel bawk.