Minister leh CYMA hruaitute inkâwm

Art & Culture minister C Lalsawivunga chuan nimin khan a pisaah Central YMA office bearer-te a kâwm a, Chapchar Kût hman dan tur an sawiho.

C Lalsawivunga chuan, hmasawn leh hlâwk zawk Chapchar Kût hman a nih theih nan ngaihtuahna séng turin CYMA hruaitute a ngen a, "Hnam inpumkhatna leh hnam ziarángte chàwisàn a nih theih nan hmalak tlàn a pawimawh," a ti.

Inkawmhonaah hian Central YMA office bearer-te an tel kim a, Art & Culture secretary Lalthansanga leh joint secretary Zonunthari te pawh an tel. Kumina Chapchar Kût hman dan tura an duh dante an sawiho a, an duh dan leh rawtnate chu Chief Minister kaihhruai Chapchar Kût Organising Committee-ah thlen an rél a ni.