KHAWTHLIR

Rûl chi thar

Mizoram University-a Department of Zoology-a Prof. HT Lalremsanga leh a research scholar Lalbiakzuala chuan hmun danga researcher an thawhpuite nen Mizorama Coralsnake-te pianphung, ruhrel (skeletal) leh DNA an zir chianna aṭangin chi (species) thar an hmu chhuak a, a hmingah British-in India a awp laia medical doctor, Dr Gore hming chawiin Sinomicrurus Gorei an vuah. He zirchianna hi British scientific journal, Systematics & Biodiversity (Taylor & Francis group) chuan January 10, 2024 khan a tlangzarh a ni.