Residential coaching class hawng

Assam Rifles, Axis Bank leh NIEDO ṭanghoin Assam Rifles hmun Zokhawsanga technical leh medical entrance examination hmachhawn turte tana residential coaching class an buatsaih chu nimin khan hawn a ni a, hawnna puala inkhawm tawi buatsaih hi adviser to chief minister (finance) TBC Lalvenchhunga, MLA-in a hmanpui.

Coaching class atan hian AXIS Bank chuan pawisa an tum a, NIEDO-in zirtirtu an tum a, Assam Rifles-in a hmunhma leh a ṭul dangte an tum thung. Coaching class hi a thlâwn veka kalpui a ni a, kal duh tan exam buatsaih niin, a lut turin Mizoram hmun hrang hrang aṭangin mi 27 thlan an ni.

Coaching hi kum khat chhung atan buatsaih a ni a, NEET leh JEE hmachhawn tura thil pawimawh hrang hrangte zirtir an ni ang. A hawnna inkhawmah hian Assam Rifles, Axis Bank, NIEDO hotute bakah zirlai chhungte an tel.