Fertilizer dealer licence cancel vek a ni dawn - CM

Mizoram State Agriculture, Horticulture, Forestry & Marketing Cooperative Federation Limited (MAHFED) hruaitute chuan nimin khan chief minister Lalduhoma a pisaah an kâwm a; CM chuan, fertilizer dealer licence-te tihtawp (cancel) vek a nih dawn thu a lo hrilh.

Chief Minister chuan, tuna Mizorama fertilizer dealer-te'n an leiṭha zawrhte mipui náwlpui ban phakin an siam lo a, to zawkin dan loin an tiral ṭhin tih a sawi a, "Chuvang chuan an license-te kan cancel vek dawn a, a tharin license kan pe chhuak dawn," a ti.

MAHFED-in mamawh dang an thlente leh sorkar laipui lama project ûm zuipui an mamawhnaahte hlawhtlin tak tak tuma hma an la a nih phawt chuan ṭanpui dan dappui a inhuam thu Chief Minister chuan a sawi bawk.