BSF-in khaw 3-ah ṭanpuina an sem

Border Security Force (BSF) 38th Battalion chuan Civic Action Programme hnuaiah nimin khan ramri hnaih khua - Silsuri East, Silsuri West leh Hnahva-ahte ṭanpuina eng emaw zat an sem.

BSF hian khaw pathuma sikulte hnenah almirah, chair, dawhkan leh ṭhutthleng leh school bag-te an sem a; khawtlang hnenah football leh football goal net, volleyball leh volleyball net, puanṭhui khawl, tui thlitfimna (water filter), tuizem, plastic dawhkan, plastic chair leh bawlhhlawh báwmte an sem bawk.

Bungrua hlanna hunah hian BSF Commandant leh thawktu dang te, khaw pathuma VC te, zirtirtute leh zirlaite an tel. BSF chuan, an thil tih chu ramri hnaiha khua leh mipui tihhmasawnna atan a nih thu an tarlang.