MLA-in damdawi-in a tlawh

Aizawl South-II bialtu MLA Lalchhuan-thanga chuan nimin khan a bial chhunga Kulikawn Hospital a tlawh a, Health principal director Dr Vanlalsawma leh Kulikawn Hospital medical superintendent Dr James Rammawia leh thawktu dangte'n an lo dawngsawng.

Lalchhuanthanga chuan, mimal damdawi-inte chu chhungkaw harsa tak tak tan ban phâk a nih loh avangin Kulikawn Hospital chu Civil Hospital tlukpuia siam a ngaih thu a sawi a, "Kulikawn Hospital tihchangtlun dan tur leh building thar neih dan turte ka ngai pawimawh a, hospital changtlung leh ṭha tak ni thei turin theihtawp chhuahin hma kan la dawn a ni," a ti.