Biometric authentication tih ngai

Mizoram Scholarship Board (MSB) chuan sorkar laipui ruahman leh hriattirna angin, zirlaite scholarship dilna finfiahtu head of institute leh institution nodal officer-te'n January 15, 2024 ral hma ngeiin biometric authentication an tih a ngaih thu a tarlang.

MSB chuan, district hrang hranga zirna-inte chu an awmna DEO office-ah biometric authentication ngaihven tur a nih thu a tarlang a, "Aizawl district tan MSB pisaah ngaihven tur a ni a, biometric authentication ti lo zirna-inte chu an zirlaite scholarship an verify thei tawh dawn loh avangin pawl 9 chin chung lam zirna-inte'n ngaih pawimawh tur a ni," a ti.

Tribal scholarship dilna chu MSB portal hmang tawh loin National Scholarship portal-ah dil tawh tur a nih thu te, hriat fiah duh leh harsatna nei chuan MSB pisaah zawhfiah theih a nih thute an tarlang bawk.