Sorkar hmalakna chinah lungawi

ZPM Political Affairs Committee (PAC) chuan resolution siamin, Mizoram sorkar thar a pian aṭanga thla khat chhunga sorkar hmalaknate chu lungawithlak an tih thu an tarlang.

January 12, 2024-a ZPM PAC ṭhukhawm resolution chuan, Mizoram Assembly inthlanpuiah mipuiin ZPM an sorkartir chu lawmawm an tih thu an tarlang a, "Sorkar thar a pian aṭangin thla khat chuang hret a ni ta a. He hun tawitêa CM Pu Lalduhoma kaihhruaina hnuaia sorkar hmalaknate kan thlirin lungawithlak hlein kan hria. Dan rorelna vawng nung chung zel leh Pathian ṭihna nena Zoram siamṭha tura ke pên zel turin duhsakna kan hlan a ni," an ti.

ZPM PAC chuan, sorkarin ṭha taka hna a thawh theih nan leh dik tak leh fel taka ro an rel theih nan thawhpui zel turin mipui an sáwm a ni.