Lirthei chesualah 2 thi
December 12, Inrinni zan dar 8 vel khan Bâwngthah khaw dáiah Aizawl aṭanga South Sabual pana tlân LPK truck chesualin, kawng thlangah a lum a, a hmunah mi pakhat a thi.
Truck-ah hian South Sabual khaw mi pali an chuang a; chetsualna hmunah Lallawmkima s/o PC Thanzama a thi a, mi dangte pawh hliamin, damdawi-inah lâk an ni.
Inrinni zan vek khan dar 8:15 velah canteen kual, Aizawlah bike-in Stallone Lalhriatpuia (30), Saron Veng a chesuala a hliam tuar loin a hmunah a thi nghal. Saron Veng Branch YMA hruaitute hnen aṭanga Vanglaini thudawn danin, Stallone Lalhriatpuia hian truck lehpelh a tumna lamah truck hnuaiah a inbarh lut nia hriat a ni. Nimin khan postmortem a nih hnuah vui a ni.