Thenzawlah Youth Convention

Sorkar laipuia Ministry of Youth Affairs & Sports hnuaia Nehru Yuva Kendra leh Vantawng Group YMA buatsaihin nimin khan Thenzawla Vantawng Group YMA Rûnah District Youth Convention neih a ni a, Central YMA assistant secretary Dr Malsawm­liana'n a hmanpui.

District Youth Convention hi Vantawng Group YMA president Chawngsangliana'n a kaihruai a, Dr Malsawmliana bakah, NYK Ser­chhip district coordinator Mercy Sellate ten thu an sawi. Convention thupui chu 'Zirna, faina leh hriselna' tih a ni a, thupui hi resource person H Lal­mawia, Thenzawl HSS principal leh Integrated Ayush Hospital-a medical officer Dr VL Remruati ten an sawi a ni.

Convention-ah hian Vantawng Group YMA hnuaia awm Thenzawl khaw chhunga YMA branch hrang hrangte bakah, Buangpui, Neih­loh, Zote South leh Kanghmun South aṭangin YMA member ṭhahnem tak an tel a; YMA branch-te hnenah infiamna hmanrua eng emaw zat sem nghal a ni.