Myanmar aṭanga kuhva phurte tan DC-in Khankawn checkgate a khâr

Champhai DC Maria CT Zuali chuan thupek chhuahin, Myanmar aṭanga kuhva phurtute tan Khankawn police checkgate khâr rih a nih thu a tarlang.

Checkgate khàr chhan DC-in a tarlan danin, Myanmar aṭanga kuhva lak luh avangin kawng rûk tam tak a awm phah a; Zokhawthara inkhung hranna hmun, Agriculture department plant paltlang loa thlai hrisel lo, natna hrik pâi, rannung leh hlo chi hrang hrang pâi lak luh a tam phah a ni.

Hei bakah hian, kuhva phurh avangin kawngpui a chhe nasa a, lirthei chet velnaah harsatna a awm phah a, mipui, damlo leh sorkar mi, Champhai leh Aizawl inkara zinte tan harsatna a siam a ni. Dan leh thupek kenkawh kawngah pawh harsatna a thlen nasa a, Champhai leh a chhehvel tan thianghlimna kawngah harsatna a thlen bawk.