SHC sorkar thar a piang; CEM thar Lalvenhima Hmar

Mizoram sorkar chuan Sinlung Hills Council (SHC) chief executive member (CEM) atan Suangpuilawn biala thlan tlin Lalvenhima Hmar a ruat a, executive member (EM) atan mi pali a ruat bawk.

EM atana ruat mi palite chu - Sakawrdai South biala thlan tlin Lalremruata Varte, Khawlian biala thlan tlin K Hrangkunga, Saipum biala thlan tlin Lalrawngbawla leh Phuaibuang biala thlan tlin Vanlalsiamsanga te an ni. SHC sorkar thar din chungchangah hian GAD chuan nimin khan hriattirna a tichhuak.

A hmaa SHC CEM Lalthlamuana Hmar chuan December 21, 2023 khan bânna a thehlut a, chuvang chuan December 21, 2023 vêk khan SHC sorkar chu ṭhiah a ni.