In luah man felfai zawka bituk tum

Mizoram sorkar chuan in luah man felfai zawka bithliah a nih theihna atan, Mizoram Urban Areas Rent (MUAR) Control Act, 1974 chu siamṭhat a, a nihna ang taka hman a tum.

GAD tarlan danin, MUAR Control Act hi siamṭhat tum mek a ni a, a thlakna tur draft bill siam mek a ni. Bill thar tihfel a nih veleh felfai zawka kalpui tum a ni. He dan hi Urban Development & Poverty Alleviation department kuta hlan a remchan dawn leh dawn loh zir chian mek a ni bawk.

MUAR Control Act hnuaiah hian standard rent chu sorkarin a hranpain a bituk dawn lo a, ram hlut--na leh in sakna senso belh--khawm aṭanga chhût chhuah tur a ni a, in tin tan standard rent a danglam ang.

Standard rent hi a hran--pain sorkarin a bituk dawn lo tih sawiin GAD hotute chuan, "Standard rent chungchanga lungawi lohna awm ang chu Court-ah thlena chinfel tur a ni. He dan hian Court-in a chinfel tura a tih avangin sorkarin a hranpaa enpuitu tur mawhphurhna pek a nei lo," an ti.