Myanmar sipaite Lungleiah hruai

Myanmar sipai 277, January 17, Nilaini tlaia Mizorama rawn tlânchhiate chu nimin khan Lunglei lamah hruai an ni a, Myanmar sipai thlawh­theihna in Lengpui Airport aṭangin a rawn la dawn nia thu dawn a ni.

Tarlan tawh angin, Myanmar sipaite hi an ram chhungah mipui sipaite nen an inbeihna aṭangin an tlânchhia a, ni eng emaw zat kea an kal hnuah January 17 tlai khan Mizoram rawn lutin, Lawngtlai district-a Ban­duk­banga khuaah Assam Rifles-te'n an lo dawng­sawng a ni.

Thu dawn danin, Myanmar sipai 277-te hi Assam Rifles-te'n nimin khan lirtheiin Lunglei lamah an hruai a, Lunglei aṭangin Aizawl an panpui leh ang a, remchang hmasaah Myanmar sorkarin sipai thlawhna hmangin Lengpui Airport aṭangin a rawn hruai dawn a ni.