KHAWTHLIR

CM leh sipai lal

Chief minister Lalduhoma chu January 17, Nilaini khan a pisaah Indian Army-a III Corps general officer commanding Lt.Gen. HS Sahi nen an inkâwm. CM hian, Assam Rifles-te'n Mizote ṭhian nih tlin taka hma an lâk thu sawiin, "Tun hma aṭang tawha Mizote leh AR-te inṭhian ṭhatna hi vawng nung zel ila ka duh," a ti. Lt.Gen. HS Sahi hian CM Lalduhoma hi lawmpuina a hlan a ni.

MZU UG result

Mizoram University chuan vawiin chawhma dar 10 hian under-graduate odd semester result a tichhuak dawn a; link http://14.139.209.213/ONLINERE... ah en theih a ni ang.

Computer pe

Khawzawl district bawrhsap K Lalrohlua chuan nimin khan Tualpui RMSA High School hnenah computer leh printer bakah, zirlaite'n study camp an neih chhunga an ei leh in senso tur pawisa a pe. K Lalrohlua hian December 19, 2023 khan Tualpui a tlawh a, Tualpui RMSA H/S hotute'n an mamawh an lo thlen angin Tualpui VC kaltlangin computer leh printer a pe a ni.

Audit training

SIRDPR Mizoram leh Centre for Internal Audit in Rural Development, Hyderabad chuan nimin aṭang khan Durtlang Leitana SIRDPR auditorium-ah 'Three-Week Certificate Programme on Risk Based Internal Audit of Rural Development Programmes' training an buatsaih ṭan a; RD account controller Neeraj Kumar Sharma-in a hawng. Training-ah hian Asst. Rural Development Officer te, Assistant Engineer te, Addl. Programme Officer te, Account Assistant te leh ETC, SPRC leh DPRC aṭangin an vaiin mi 29 an tel a ni.

Training buatsaih

Mamit district-a community health centre leh public health centre-a mitthi leh nau piang chhinchhiahtu, registrar of births and deaths mi 80 tan nimin khan Economics and Statistics conference hall-ah training buatsaih a ni. Piang leh thi chhinchhiahtute chu Economics and Statistics inspector K Philip Rosiamliana'n civil registration system chungchang a zirtir.