IPR hotu leh Mamit MJA inkâwm

Information & Public Relations department joint director PB Lianthangpuii chuan nimin khan Mamita IPR department pisa a tlawh. PB Lianthangpuii hian Mamit IPRO Dr Saithantluangi Zote leh thawktu dangte a kâwm bakah, MJA member-te a kâwm.

MJA, Mamit district member-te nen an inkawmnaah PB Lianthangpuii chuan, IPR department-in MJA tan theihtawp a chhuah mek tih a sawi a, "MJA Pension Scheme sorkar gazetted-ah chhuah tawh a ni a, pension-te'n thla tin Rs 8,500 vel an la thei dawn. MJA Welfare Fund pawh tihpun turin ruahman mek a ni," a ti.