KHAWTHLIR

HBK MMA Gym, Kulikawn chuan December 12, Inrinni khan Synod Hospital blood bank-ah thisen unit 14 an pe a, a petute mipa 13 leh hmeichhia pakhat an ni.

UPC (North East India) ṭhalai pawl, Pentecostal Youth Department (General PYD) chuan December 12, Inrinni khan Mualpuia Gen. Hqrs pisaah kum 2021-22 chhunga kumpuan hawnna leh Pathian hnena hlanna inkhawm an buatsaih. An kumpuan chu - 'Thuthlung puan uar' tih a ni a, UPC NEI general superintendent Rev. Lalmalsawma Sailo-in Pathian hnenah a hlân a ni.

Hmeichhe naupang kumtlinglo pawngsualtu David Kondo (30) s/o Soin Ashi Kondo (L), Hmarkhawlian, Assam chu Kolasib District Fast Court-in kum 10 chhung táng turin thutlukna a siam. July 27, 2017-a naupang kumtlinglo pawngsualtu David Kondo thubuaiah hian judge R Lalduhawmi'n tun hnai khan thutlukna a tichhuak a; thiam loh chantirin, kum 10 táng tur leh Rs. 5,000 chawi turin a hrem a ni.

Health minister Dr R Lalthangliana chuan December 12, Inrinni khan Mamit District Hospital sak thar tur lungphùm a phúm. Damdawi-in thar chu khum 100 awmna tura ruahman a ni a, a sakna atan cheng vbc. 16.93 ruahman a ni. Hmanraw lei nan cheng nuai 100 ruahman a ni bawk. Pawisa hi Power Finance Corporation Ltd. CSR aṭangin vbc. 12.55 hmuh a ni a, a bak chu state sorkarin a tum dawn a ni.

Mamit Joint Village Council (JAC) chuan thuchhuah siamin, December 10, 2020-ah chief minister Zoramthanga'n Mamit leh Mamit district hmasawnna atana pawimawh leh rotling tur lungphùm a phúm chu ropui an tih thu an tarlang.

State Referral Hospital-ah nimin tlai dar 5 dinhmun angin Covid-19 vei mi 12 an awm mek a, an zingah kum 60 chung lam mi pali leh kum 14 hnuai lam mi pakhat an tel. SRH-ZMC Bulletin tarlan danin, mi 12 zinga pakhat chu ICU-ah enkawl niin, oxygen pek a ni a; mi dang zawng Isolation ward-ah awmin, mi pathum chu oxygen pek an ni. Nimin khan ZMC laboratory-ah swab sample endik a ni lo.State Referral Hospital-ah nimin tlai dar 5 dinhmun angin Covid-19 vei mi 12 an awm mek a, an zingah kum 60 chung lam mi pali leh kum 14 hnuai lam mi pakhat an tel. SRH-ZMC Bulletin tarlan danin, mi 12 zinga pakhat chu ICU-ah enkawl niin, oxygen pek a ni a; mi dang zawng Isolation ward-ah awmin, mi pathum chu oxygen pek an ni. Nimin khan ZMC laboratory-ah swab sample endik a ni lo.