Ruihhlo donaa ṭan la zual turin inchah
Central YMA hnuaia Kumpuan Committee chuan ruihhlo donaah ṭan la nasa lehzual turin YMA sub-headquarters, group leh branch-te an chah.
Kumpuan Committee chuan, "Tun hnaiah kum naupang zawkte zingah ruihhlo a hluar thar leh ta niin a lang a, YMA sub-headquarters, group leh branch-te kan hmun ṭheuhah ṭan lak nasat a ṭul hle, kan puan ven i sâwi chhîng ang u. Mizo mipui pawh ruihhlo leh sualna hrang hrang donaa thawhhopuiah kan sáwm tak meuh a ni," an ti.
CYMA Kumpuan Committee tarlan danin, December 12, 2023 aṭanga nimin January 19 thleng khan tlaivarin zan 11 an duty a, heroin no. 4 hawng 85 leh can 30 leh khuh damdawi tam tham tak an man a; ruihhlo kaihhnawihah mi 100 chuang manin, a ṭhen Home-ah an dah a, a ṭhen zilhhauin, a ṭhen counselling an pe bawk.
Hnam dang ILP nei lote dap chhuahnaah mi 100 dáwn an man chhuak tawh a, police-ah an hlan. Dan loa sumdawngte an dap chhuak bawk a ni.