MZU UG odd semester-ah 67.52% an pass

Mizoram University chuan nimin chhun khan under graduate odd semester exami­nation result a tichhuak a; zirlai exam 15,526 zingah 10,483 an pass a, pass percentage 67.52 a ni.

MZU UG exam-ah hian Arts first semester repeater-ah zirlai 1,509 zinga 859 pass in, pass percentage 56.93 a ni a; third semester regular leh repeater-ah zirlai 5,605 zinga 3,382 (60.34%) an pass a, 5th semester regular leh repeater zirlai 6,031 zinga 4,508 (74.75%) an pass.

Science 1st semester repeater-ah zirlai 134 zinga 51 (38.06%), 3rd semester regular leh repeater-ah zirlai 662 zinga 413 (62.39%) leh 5th semester regular leh repeater-ah zirlai 764 zinga 570 (74.61%) an pass a ni.

Commerce 1st semester repeater-ah zirlai pakua zinga panga (56%), 3rd semester regular leh repeater-ah zirlai 343 zinga 274 (80%) leh 5th semester regular leh repeater-ah zirlai 430 zinga 396 (92%) an pass a; Home science 1st semester repeater-ah zirlai paruk zinga pakhat (16.67%), 3rd semester-ah zirlai 16 zinga 11 (68.75%) leh 5th semester-ah zirlai 17 zinga 13 (76.47%) an pass bawk.

First semester regular zirlaite chu New Education Policy 2020 hnuaia awm an nih tawh avangin an result chu a hranpaa la tihchhuah tur a ni.