MLA-in EMRS sak mek a enfiah

Aizawl South-II bialtu MLA Lalchhuanthanga chuan nimin khan a bial chhunga central scheme NEST hnuaia Social Welfare & Tribal Affair department-in Tlangnuama Eklavya Model Residential School an sak mek a tlawh a, harsatna an neihte a hmunah a enfiah.

Lalchhuanthanga chuan, ro tling, tu leh fate tana chhenfâkawm tur sorkarin a bial chhunga a dah chu a ngaih pawimawh thu sawiin, "Ṭha takin hna thawk u la ka duh a, in harsatnate sutkian a nih theih nan hmalak kan tum ang," a ti.

MLA hi PWD, Power & Electricity leh Social Welfare & Tribal Affair department hotute leh khawtlang hruaitute'n an ṭawiawm a ni.