CM Adviser-in sorkar laipui Finance Minister a kâwm

Adviser to chief minister (Finance) TBC Lalvenchhunga, MLA chuan January 19, 2023 khan New Delhi-ah sorkar laipuia Finance minister Nirmala Sitaraman chu a pisaah a kâwm a; NITI Aayog hotute thil pawimawh a sawipui bawk.

TBC Lalvenchhunga chuan Union Finance Minister hnenah Mizoram sum leh pai dinhmun te, centrally sponsored scheme, central sector scheme leh fund hrang hrang hmanga Mizorama hna thawh ṭhin dan te, sorkar tharin ram hmasawnna atana ruahmanna thar a neihte a thlen a; Mizoramin sorkar laipui chhawmdawlna a dawnte chu ṭha taka kalpui an tum thu a hrilh.

Adviser to Chief Minister hian NITI Aayog senior permanent member Dr Arvind Virmani leh, Mizoram leh Meghalaya bialtu NITI Aayog deputy secretary Hemant K Meena te chu Mizoram sorkar hmalak dan leh kalphung hrang hrang a sawipui bawk.