Pawl 4-in thisen unit 190 an pe

January 20, Inrinni khan Mizoramah pawl paliin thisen unit 190 an pe. YMA, Bethlehem Veng Branch-in an YMA Hall-ah Civil Hospital, Aizawl tan unit 95 an pe a, petute mipa 75 leh hmeichhia 20 an ni.

KṬP, Chhinga Vengthlang Branch-in an kohhran hall-ah Synod Hospital tan unit 33 an pe a, petute mipa 28 leh hmeichhia panga an ni a; ṬKP, Serkawn Pastor Bialin Civil Hospital, Lunglei tan BCM, Ramzotlang Kohhran hall-ah unit 47 an pe a, petute mipa 36 leh hmeichhia 11 an ni. Evangelical Church of Maraland KTP, Siaha Ebenezer Branch member mipa 11 leh hmeichhia palite'n unit 15 an pe bawk.