Library tihchangtlunna Mizoram tan Vbc. 400 aṭangin nuai 150 pek a ni

National Mission on Libraries scheme hnuaiah, 12th. Plan chhungin sorkar laipui chuan India rama library-te tan cheng vbc. 400 a ruahman a, chung zinga nuai 150 chu Mizoramin a chang.

National Mission on Libraries scheme hnuaiah hian Culture and Tourism chuan India rama library-te tihchangtlun nan 12th. Plan hnuaiah cheng vbc. 400 a dah a; chu chu India rama state central library 35 leh disrtrict library 35 bakah, Ministry of Culture hnuaia library parukte tihhmasawnna tura tih niin, state leh union territory sorkarte tan dil theih a ni.

Lok Sabha session-a tun hnaia zawhna minister of state for Culture and Tourism (independent charge) Dr Mahesh Sharma-in ziaka a chhan danin, National Mission on Libraries scheme hnuaiah library ṭanpuina pek theih 76 awm mah se, India ram pumah library 34 chiah ṭanpuina pek a ni a, chu'ng zingah chuan Mizorama library pahnih pawh a tel.

Library ṭanpuina atan cheng vbc. 400 dah ni mah se, 34 hnena ṭanpuina pek zat chu Rs. 37,18,95,000 (vbc. 37.18) chauh a ni a; sum pek chhuah zinga nuai 150 chu Mizoram sorkar hnuaia library pahnih tan pek a ni.

12th. Plan hnuaia Library ṭanpuite(Rs. in lakh)

# State Pek zat Library

1. Andhra Pradesh 80.00 2

2. Arunachal Pradesh 310.00 2

3. Assam 110.00 2

4. Chhattisgarh 174.00 2

5. Goa 310.00 2

6. Gujarat 106.10 1

7. Karnataka 310.00 2

8. Kerala 114.99 1

9. Manipur 60.00 2

10. Mizoram 150.00 2

11. Odisha 263.36 2

12. Rajasthan 246.97 2

13. Tamil Nadu 160.00 2

14. Telangana 164.25 2

15. Tripura 310.00 2

16. Uttar Pradesh 293.00 2

17. West Bengal 309.79 2

18. Puducherry 246.49 2

TOTAL 3718.95 34