Tipper chesualah 1 thi

March 30, 2016 zan dar 9 vel khan Kaladan Multi Modal Transit Transport Project (KMMTTP) kawng siam mekah 909 tipper MZ-07 2874 chesualin, kawng thlangah metre 170 vel a lum a, a hmunah driver Lalramnghaka s/o T Lalawmpuia, New Saiha a thi.

Thu dawn danin, tipper hi C Lalchangliana ta a ni a; a chetsual lai hian driver bakah, handyman Hmangaihthara leh K Rolura te an chuang. K Rolura chu a ke dinglam ruh a tliak a, Aizawl panpui a ni a; handyman pawh a ban dinglam tliakin, Lunglei Civil Hospital panpui a ni. An chetsualna hmun hi Lawngtlai aṭanga km. 40 vela hlá a ni.