MYC Chairman-in pisa luah lut

Mizoram Youth Commission (MYC) chairman thar Malsawmzuala Rate chuan nimin khan New Capital Complex-a a pisa a luah lut.

Malsawmzuala chuan, MYC chu Mizo ṭhalaite tana din a nih angin MYC kaltlanga hmalak ṭulah te, hma thar lakna turahte thuràwn a dawng thei reng tih a sawi a, "Ṭhalai lehkhathiam leh lehkhathiam lo, zir sang lote thlengin kaihruaia kawng kawhhmuh turin theihtawp chhuah ka tum," a ti.