DC-in in ṭhiat turin a hriattir

Siaha DC Lalhmun-sanga Hnamte chuan January 19, 2024 khan Amobyu Vaihthie leh Tipa inkar kawngpui National Highway no. 54 siam mek a hmunah a enfiah a; Amobyu Vaihthie leh Tipa inkara NH laih vanga zangna­dawmna la tawh, in la ṭhiat lote chu January 23, 2024 ral hmaa ṭhiat turin a hriattir.

Lalhmunsanga Hnamte chuan, NH-54 kawngpui chu mipuiin an chhawr ṭangkai ber dawn tih sawiin, "A hma thei ang bera zawh a ṭul a, mipuite hi harsatna siamtu ni loin, sorkar thawhpuitu an ni zawk tur a ni," a ti a; in la ṭhiat lote chu thu awih taka ṭhiat tura hrilh bakah, khaw tina VC-te chu theihtawp lo chhuahpui turin a chah.

NH-54 kawng laih meka zangnadawmna la tawh, in la ṭhiat duh lote avangin hna a muan phah hle tih sawiin Bawrhsap chuan, "Hei vang hian Jal Jeevan Mission kalpui mek pawh a khawmuan phah a, kawng laih mek zawh a nih loh chuan PHE pipe phûm theih a nih loh avaning harsatna a thuah hnih hle a ni," a ti. JJM chu 99% zawh a ni tawh a, kumin Republic Day hma ngeiin 100% tihhlawhting tura tawh a ṭul thu a sawi bawk.

Siaha DC hi sorkar official-te leh VC-te'n an ṭawiawm a ni.