Police-te hnenah chawimawina hlan

Home minister K Sapdanga chuan nimin khan Police Headquarter-a Arya Mess-ah police-te hnenah chawimawina chi hrang hrang a hlan.

Champhai Police Station chu nikuma Annual Ranking of Police Station-ah palina an nih avangin chawimawina hlan an ni a; DGP aṭanga lawmpuina thuchei leh Rs 10,000 chu Minister-in Champhai SP hnenah a hlan. SP hian kumin Republic Day-ah President hnen aṭangin President Medal a dawng dawn a ni.

CCTNS Project hnuaia district executive force ti ṭha ber lawmman chu Aizawl SP hnenah hlan a ni a; hei pawh hi DGP aṭanga lawmpuina niin, Minister-in Aizawl SP Rex Zarzoliana Vanchhawng hnenah nomawi leh thuchei a hlan.

Asadharan Aasuchana Kushalata Padak dawngtu inspector RK Rosangliana, CID (SB) leh constable Amos PC Malsawmzuala, Lawngtlai DEF-te hnenah chawimawina an dawn avanga lawmpuina hlan a ni bawk.